தமிழ் சினிமாவில் விஜய் நடிப்பில் வெளியான குருவி என்ற திரைப்படத்தின் மூலம் தயாரிப்பாளராக அறிமுகமானவர் உதயநிதி ஸ்டாலின். இந்த படத்திற்கு பிறகு பல படங்களை தயாரித்த உதயநிதி ஒரு கல் ஒரு கண்ணாடி என்ற திரைப்படத்தின் மூலம் நடிகராகவும் அவதாரம் எடுத்தார். இந்த படம் ரசிகர்கள் மத்தியில் நல்ல வரவேற்பை பெற்ற நிலையில் அடுத்தடுத்த படங்களில் உதயநிதி நடிக்க ஆரம்பித்தார். இவர் நடிப்பில் கலகத் தலைவன் திரைப்படம் விரைவில் திரைக்கு வர இருக்கிறது.
அதன்பிறகு மாமன்னன் என்ற திரைப்படத்திலும் உதயநிதி நடித்து வருகிறார். இந்நிலையில் நடிகர் உதயநிதி ஸ்டாலின் பல முன்னணி நடிகர்களின் படங்களையும் தமிழகத்தில் வாங்கி தன்னுடைய ரெட் ஜெயண்ட் மூவிஸ் நிறுவனம் சார்பில் விநியோகம் செய்து வருகிறார். அந்த வகையில் நடிகர் சிவகார்த்திகேயன் நடிப்பில் வெளியான டான் திரைப்படத்தையும் உதயநிதி தான் தமிழகத்தில் விநியோகம் செய்தார். இந்த படம் பாக்ஸ் ஆபிஸில் 100 கோடி ரூபாய் வரை வசூல் சாதனை புரிந்த நிலையில் சமீபத்தில் ஒரு நிகழ்ச்சியில் உதயநிதி டான் படம் குறித்து பேசி இருக்கிறார்.
அவர் பேசியதாவது, நான் என்னுடைய நண்பர்களுடன் சேர்ந்து டான் படத்தை திரையில் பார்த்தேன். அந்தப் படத்தின் காமெடி காட்சிகள் என்னை பெரிய அளவில் ஈர்க்கவில்லை. கடைசி 20 நிமிடங்கள் மட்டும்தான் நன்றாக இருந்தது. எனவே படத்தை ஒரு 10 நிமிடத்திற்குமாறு சிவகார்த்திகேயனிடம் கூறினேன் என்று கூறியுள்ளார். மேலும் நடிகர் உதயநிதியின் பேட்டி தற்போது வலைதளத்தில் வைரலாகி வருகிறது.