கம்ப்யூட்டர், லேப்-டாப்கள் மூலமும் இனி வாட்ஸ்அப் கால், வீடியோ கால் செய்யலாம் என வாட்ஸ்அப் நிறுவனம் அறிவித்துள்ளது.
தற்போதைய காலகட்டத்தில் அனைவரும் செல்போன் பயன் படுத்தி வருகிறார்கள். தங்களின் அன்றாட வாழ்க்கையில் செல்போன் என்பது ஒரு இன்றியமையாத பொருளாக மாறிவிட்டது. அவ்வாறு செல்போன் பயன்படுத்தும் பயனாளர்கள் அனைவரும் தங்கள் தேவைக்கு ஏற்றவாறு பல்வேறு செயலிகளை பயன்படுத்தி வருகின்றனர். அதிலும் குறிப்பாக வாட்ஸ்அப், ஃபேஸ்புக் மற்றும் இன்ஸ்டாகிராம் போன்ற செயலிகள் அதிக அளவு பயன்படுத்தப்படுகின்றன.
அதில் வாட்ஸ் அப் செயலி அனைத்து விதமான உரையாடல்களும் பயன்படுத்தப்படுகிறது. ஆனால் கடந்த மாதம் வாட்ஸ்அப் நிறுவனம் தனது பயனாளர்களுக்கு ஒரு அதிர்ச்சி அறிவிப்பை வெளியிட்டது. தனிநபர் குறித்த தகவல்கள் அனைத்தும் ஃபேஸ்புக்கில் வெளியிடப்படும் என அதிர்ச்சி தகவல் வெளியாகியது. அப்போது எழுந்த பிரச்சனையால் பலர் டெலிகிராமுக்கு மாறி வருகின்றனர்.
இந்நிலையில் கம்ப்யூட்டர், லேப்-டாப்கள் மூலம் இனி வாட்ஸ்அப் கால், வீடியோ கால் செய்யலாம் என அந்நிறுவனம் அறிவித்துள்ளது. இந்த வசதியை whatsapp.web -ல் இல்லாமல் வாட்ஸ்அப் டெக்ஸ்டாப் ஆப்பில் மட்டும் வழங்கப்படும் என தெரிவித்துள்ளது. மேலும் வாட்ஸ்அப் குரூப் கால், வீடியோ கால் வசதியும் விரைவில் வழங்கப்பட உள்ளது.