இந்தியாவில் எம்பிபிஎஸ் மற்றும் பிடிஎஸ் போன்ற மருத்துவ படிப்புகளில் சேர்வதற்கு நீட் நுழைவு தேர்வு நடைபெறுகிறது. இந்த தேர்வு தேசிய தேர்வு முகமையால் நடத்தப்பட்டு வரும் நிலையில், 2023-ம் ஆண்டில் நீட் தேர்வு நடைபெறும் தேதி குறித்து அறிவிப்பு வெளியாகியுள்ளது. அதன்படி அடுத்த வருடம் மே மாதம் 7-ம் தேதி ஞாயிற்றுக்கிழமை அன்று நீட் தேர்வு நடைபெறும் என்று தேசிய தேர்வு முகமை அறிவித்துள்ளது.
இதனையடுத்து பல்கலைக்கழகங்களுக்கான நுழைவுத் தேர்வான சியுஇடி அடுத்த வருடம் மே 21 முதல் 31-ம் தேதி வரை நடைபெறுகிறது. அதன் பிறகு பொறியியல் படிப்புகளுக்கான ஜேஇஇ நுழைவு தேர்வு அடுத்த வருடம் ஜனவரி மற்றும் ஏப்ரல் மாதங்களில் நடைபெறும். மேலும் வேளாண் படிப்புகளுக்கான ஏஐஇஇஏ நுழைவு தேர்வு ஏப்ரல் 26 முதல் 29-ம் தேதி வரை நடைபெறும் என்று தேசிய தேர்வு முகமை தெரிவித்துள்ளது.