நாமக்கல் மாவட்டத்தில் போலீசார் வாகன சோதனையில் ஈடுபட்டபோது மது பாட்டில்களை கடத்தி வந்த 2மீது வழக்குப்பதிவு செய்துள்ளனர்.
நாமக்கல் மாவட்டம் ராசிபுரம் போலீஸ் சப் இன்ஸ்பெக்டர் ராமசந்திரன் தலைமையில் காவல்துறையினர் சாமுண்டி தியேட்டர் அருகே மது விலக்கு தொடர்பாக வாகன சோதனையில் ஈடுபட்டனர். இந்நிலையில் அப்பகுதி வழியாக வந்த இரு சக்கர வாகனத்தை போலீசார் நிறுத்தியுள்ளனர். இதனையடுத்து இருசக்கர வாகனத்தை ஒட்டி வந்த இளைஞன் போலீசாரை கண்டதும் வாகனத்தை அந்த இடத்திலேயே போட்டுவிட்டு தப்பியோடியுள்ளார். இதனை தொடர்ந்து போலீசார் அந்த வாகனத்தை பறிமுதல் செய்தோ சோதனை செய்ததில் 2லிட்டர் மது பாட்டில்கள் இருந்துள்ளது.
மேலும் தப்பியோடிய நபர் குறித்து விசாரணை செய்ததில் அவர் ராசிபுரம் டவுன் வி.நகர் பகுதியை சேர்ந்த சரவணன் என்பது தெரியவந்துள்ளது. இதுகுறித்து வழக்கு பதிவு செய்த போலீசார் அவரை தீவிரமாக தேடி வருகின்றனர். இதே போல் மோகனூர் பகுதியில் வாகன சோதனையில் ஈடுபட்ட போலீசார் அப்பகுதியில் இருசக்கர வானகத்தில் மது பாட்டில்களை கடத்தி வந்த ஒருவரை போலீசார் கைது செய்துள்ளனர். அவரிடம் நடத்திய விசாரணையில் திருச்சி மாவட்டம் உன்னியூரை சேர்ந்த அண்ணாதுரை என்பது தெரியவந்துள்ளது. இதனையடுத்து அவரிடம் இருந்த 5லிட்டர் மதுவையும் பறிமுதல் செய்துள்ளனர்.