‘டான்’ படத்தின் ரிலீஸ் தேதி குறித்த சூப்பர் தகவல் வெளியாகியுள்ளது.
தமிழ் திரையுலகில் பிரபல நடிகராக வலம் வருபவர் சிவகார்த்திகேயன். இவர் நடிப்பில் சமீபத்தில் வெளியான ”டாக்டர்” திரைப்படம் விமர்சன ரீதியாகவும், வசூல் ரீதியாகவும் ரசிகர்களிடையே நல்ல வரவேற்பை பெற்றது. இதனையடுத்து, இயக்குனர் சிபிசக்கரவர்த்தி இயக்கத்தில் இவர் நடிப்பில் உருவாகியுள்ள திரைப்படம் ”டான்”.
மேலும், இந்த படத்தில் பிரியங்கா மோகன் கதாநாயகியாக நடிக்க, அனிருத் இசையமைத்துள்ளார். இந்நிலையில், இந்த படத்தின் ரிலீஸ் தேதி குறித்த சூப்பர் தகவல் வெளியாகியுள்ளது.
அதன்படி, இந்த திரைப்படம் சிவகார்த்திகேயனின் பிறந்தநாளான அடுத்த வருடம் பிப்ரவரி 17ஆம் தேதி ரிலீஸாகும் என கூறப்படுகிறது. விரைவில் இதுகுறித்த அறிவிப்பு வெளியாகும் என எதிர்பார்க்கப்படுகிறது. இதனால் இவரின் ரசிகர்கள் மிகுந்த உற்சாகத்தில் உள்ளனர்.