ராமநாதபுரம் மாவட்டத்தில் அனுமதியின்றி சட்டவிரோதமாக மணல் அள்ளிவந்த டிராக்டரை பறிமுதல் செய்த போலீசார் டிரைவரையும் கைது செய்துள்ளனர்.
ராமநாதபுரம் மாவட்டத்தில் தொடர்ந்து வரும் மணல்கொள்ளையை தடுக்க துணை தாசில்தார் ரவி, கிராம நிர்வாக அலுவலர் அனுராஜ் மற்றும் தலையாரி கார்த்திக் ஆகியோர் நேற்று முன்தினம் ரோந்து பணியில் ஈடுபட்டிருந்துள்ளனர். இதனையடுத்து சந்தேகப்படும் படி வரும் வாகனங்களையும் நிறுத்தி சோதனை செய்துள்ளனர். அப்போது ஏந்தல் பகுதியாக மணல் அள்ளிவந்த டிராக்டரை நிறுத்தி விசாரணை நடத்தியுள்ளனர்.
அந்த விசாரணையில் அனுமதியின்றி சட்ட விரோதமாக மணல் கடத்தி வந்தது தெரியவந்துள்ளது. மேலும் டிராக்டரை ஓட்டி வந்த வாலாந்தரவை சேர்ந்த மூவீஸ் என்பவரை பிடித்து கேணிக்கரை காவல்நிலையத்தில் ஒப்படைத்துள்ளனர். இதுகுறித்து வழக்குப்பதிவு செய்த காவல்துறையினர் அவரை கைது செய்து விசாரணை நடத்தி வருகின்றனர்.