300 பூத்களில் அமமுக_விற்கு எந்த வாக்கும் விழவில்லை என்றால் வாக்குசாவடியில் எங்களின் முகவர்கள் போட்ட வாக்கு எங்கே என்று TTV தினகரன் கேள்வி எழுப்பியுள்ளார்.
நடைபெற்ற மக்களவை மற்றும் சட்டப்பேரவை இடைத்தேர்தலில் திமுக அபார வெற்றி பெற்றது. அதிமுக_விற்கு எதிராக பெரிதும் எதிர்பார்க்கப்பட்ட அம்மா மக்கள் முன்னேற்ற கழகம் போட்டியிட்ட அனைத்து இடங்களிலும் தோல்வியையே தழுவியது. எங்களிடம் தான் அதிமுக தொண்டர்கள் இருக்கிறார்கள் என்று கூறி வந்த அமமுக_வின் இந்த தோல்வி மாநிலம் முழுவதும் உள்ள கட்சி தொண்டர்களை அதிர்ப்தி அடைய செய்துள்ளது. இந்நிலையில் அமமுக பொதுச் செயலாளர் TTV சென்னை அடையாறில் செய்தியாளர்களை சந்தித்து பேசினார்.
அப்போது பேசிய TTV தினகரன் கூறுகையில் , மக்களவை மற்றும் சட்டசபை இடைத்தேர்தல்களில் மக்களின் கொடுத்த தீர்ப்பினை ஏற்று கொள்கிறோம். நாங்கள் எதிர்பார்த்த வெற்றி கிடைக்கவில்லை. எங்களின் கணக்கெடுப்பின்படி ஏறக்குறைய சுமார் 300 பூத்களில் அ.ம.மு.க.வின் வாக்குகள் பூஜ்யம் என காட்டியுள்ளது. அந்த வாக்குசாவடியில் எங்களின் முகவர்கள் போட்ட ஓட்டுகள் எங்கே? ஒரு வாக்குச்சாவடியில் அ.ம.மு.க. முகவரின் வாக்கு கூடவா பதிவாகாமல் போயிருக்கும்? என்று கேள்வி எழுப்பிய TTV.தினகரன் இதற்கு தேர்தல் ஆணையம் உரிய பதிலை கூற வேண்டும் என்று தெரிவித்தார்.