அஜித் 61 படத்தில் கதாநாயகியாக நடிகை பூஜா ஹெக்டே நடிக்க இருப்பதாக தகவல் வெளியாகியுள்ளது.
தமிழ் திரையுலகில் பிரபல முன்னணி நட்சத்திரங்களில் ஒருவராக வலம் வருபவர் நடிகர் அஜித். இயக்குனர் வினோத் இயக்கத்தில் இவர் நடிப்பில் சமீபத்தில் வெளியான திரைப்படம் ”வலிமை”. இந்த திரைப்படம் ரசிகர்களிடையே நல்ல வரவேற்பு பெற்று வருகிறது. இதனையடுத்து இவர் இயக்குனர் வினோத் இயக்கத்தில் மீண்டும் தனது 61 வது படத்தில் நடிக்கவுள்ளார்.
இந்த படத்தையும் போனிகபூர் தான் தயாரிக்க இருக்கிறார். இதனையடுத்து, ”AK 61” படத்தில் இவருக்கு கதாநாயகியாக நடிக்க பிரபல பாலிவுட் நடிகைகளிடம் பேச்சுவார்த்தை நடைபெற்று வருவதாக கூறப்படுகிறது. இந்நிலையில், இந்த படத்தில் கதாநாயகியாக பிரபல நடிகை பூஜா ஹெக்டே நடிக்க இருப்பதாக தகவல் வெளியாகியுள்ளது. தற்போது இவர் விஜய் நடிப்பில் உருவாகி வரும் ‘பீஸ்ட்’ படத்தில் நடித்து வருகிறார் என்பது குறிப்பிடத்தக்கது.