இன்று இந்தியாவில் பொறியாளர்கள் தினம் கொண்டாடப்படுகின்றது. அதை ஏன் கொண்டாடுகின்றோம் என்று காண்போம்.
உலக நாடுகள் முழுவதும் வெவ்வேறு நாட்களில் தனித்தனியே பொறியாளர் தினமானது கொண்டாடப்பட்டு வருகிறது. இந்தியாவில் ஒவ்வொரு ஆண்டும் செப்டம்பர் 15_ஆம் தேதி இந்த தினம் அனுசரிக்கப்படுகின்றது.Sir பட்டம் இந்தியரும் , பாரத ரத்னா விருது வென்ற தலைசிறந்த பொறியாளரான Sir MV என்று அழைக்கப்படும் ’மோக்ஷகுண்டம் விஸ்வேஸ்வராயா’ அவர்களின் பிறந்தநாளை பொறியியல் தினமாக கொண்டாடுகின்றோம்.
1860_ஆம் ஆண்டு மைசூரில் ஒரு சிறிய கிராமத்தில் ஏழை குடும்பத்தில் பிறந்த மோக்ஷகுண்டம் விஸ்வேஸ்வராயா பிறந்தார்.இவர் 12_ஆம் வயதிலேயே தந்தையை இழந்தார். பின்னர் பெங்களுருவில் பள்ளி படிப்பை சிக்கபல்லாபுராவிலும், இளங்கலை பட்டத்தை செண்டரல் காலேஜில் முடித்த மோக்ஷகுண்டம் விஸ்வேஸ்வராயா பொறியல் படிப்பை புனேவில் உள்ள புகழ்பெற்ற பொறியியல் கல்லூரியில் கட்டிட பொறியியல் (civil engineering) படிப்பை முடித்தார்.
தொடக்கத்தில் பொதுப்பணித்துறையில் வேலை செய்த இவர் இந்திய நீர்ப்பாசன கமிஷனில் பணியை தொடர அழைக்கப்பட்ட இந்திய நீர்ப்பாசன துறையில் பணியாற்றிய குறுகிய காலத்தில்சிக்கலான நீர்ப்பாசன அமைப்பை தக்காணப் பீடபூமி பகுதியில் செயல்படுத்தி காட்டினார்.மேலும் இவரின் புகழுக்கு உச்சமாக கருதப்படுவது என்னாவென்றால் தெலுங்கானா மாநிலம் ஹைதராபாத் நகரின் வெள்ளப் பாதுகாப்பு அமைப்பின் தலைமை வடிவமைப்பாளராக செயல்பட்டு மைசூர் கிருஷ்ண ராஜா சாகர அணை கட்டுமான பொறுப்பு தலைமை பொறியாளராக பணியாற்றியது தான்.
இந்த அணை கட்டி முடிக்கப்பட்டதும் , இதுதான் ஆசியாவிலேயே மிகப்பெரிய நீர்த்தேக்கம் என்று கொண்டாடப்பட்டது. இதில் மோக்ஷகுண்டம் விஸ்வேஸ்வராயா பங்களிப்பு வெறும் பொறியியல் உள்கட்டமைப்பு திட்டங்களில் மட்டும் இல்லாமல் இரும்பு மற்றும் எஃகு, சோப்புகள், பட்டு, சர்க்கரை, வங்கி மற்றும் வானியல் உட்பட பல துறைகளும் சிறந்து விளங்க முன்னோடியாக விளங்கினார்.ஒரு குறுகிய காலத்திற்கு ஹைதராபாத் நிஜாமாக இருந்த மோக்ஷகுண்டம் விஸ்வேஸ்வராயா , 7 ஆண்டுகள் மைசூரின் திவானாகவும் பணியாற்றினார்.
பொது நலனில் விஸ்வேஸ்வரய்யா அவர்களின் எண்ணற்ற பங்களிப்ப்பை பாராட்டும் விதமாக பிரிட்டிஷ் அரசால் இந்தியப் பேரரசின் நைட் கமாண்டர் (KCIE) என்ற ‘சர்’ பட்டம் வழங்கப்பட்டது.வடிவமைப்பு , நிறைவேற்றத்துக்கான அறிவு மட்டும் இவரின் சிறப்பம்சம் கிடையாது. தொழில் நெறி, அர்ப்பணிப்பு, தனித்துவம், பேரார்வம் போன்ற நல்ல பண்புகளுக்கு மறுவடிவம் கொடுத்தவர். Sir. Dr. ’மோக்ஷகுண்டம் விஸ்வேஸ்வராயா என்றால் மிகையாகாது.
இப்படி பல்வேறு வகையில் மக்கள் போற்றக்கூடியவராக வலம் வந்த இவரின் பிறந்தநாளான இன்றே இந்தியாவின் பொறியாளர்கள் தினமாக நாடு முழுவதும் உள்ள பொறியாளர்களால் கொண்டாடுகிறது.அனைத்து பொறியாளர்களுக்கும் செய்தி சோலை செய்தி சார்பில் இனிய பொறியாளர்கள் தின நல்வாழ்த்துக்கள்.