வெஸ்ட் இண்டீஸ் – அயர்லாந்து அணிகளுக்கு இடையேயான 2-வது ஒருநாள் போட்டி நாளை நடைபெறும்என இருநாட்டு கிரிக்கெட் வாரியங்களும் அறிவித்துள்ளது.
வெஸ்ட் இண்டீஸில் சுற்றுப்பயணம் மேற்கொண்டுள்ள அயர்லாந்து அணி 3 ஒருநாள் மற்றும் ஒரு டி20 போட்டியில் விளையாடுகிறது. இதில் இரு அணிகளுக்கிடையே 3 போட்டிகள் கொண்ட ஒருநாள் தொடர் நடைபெற்று வருகிறது. இதில் நடந்த முதல் போட்டியில் 24 ரன்கள் வித்தியாசத்தில் வெஸ்ட் இண்டீஸ் அணி வெற்றி பெற்றது. இந்நிலையில் இரு அணிகளுக்கு இடையிலான 2-வது ஒருநாள் போட்டி நேற்று நடைபெற இருந்தது.
ஆனால் அயர்லாந்து அணியில் 5 வீரர்களுக்கு கொரோனா பாதிப்பு ஏற்பட்டதால் போட்டி ஒத்திவைக்கப்பட்டது .இந்த நிலையில் ஒத்திவைக்கப்பட்ட 2-வது ஒருநாள் போட்டி நாளை நடைபெறும் என இருநாட்டு கிரிக்கெட் வாரியங்களும் அறிவித்துள்ளது. ஆனால் இதற்கு பதிலாக டி20 போட்டி ரத்து செய்யப்படுவதாக தெரிவித்துள்ளது.