உடல் நலம் பாதிக்கப்பட்டு நடக்க முடியாமல் கிடந்த காட்டெருமை உயிரிழந்த சம்பவம் பரிதாபத்தை ஏற்படுத்தியுள்ளது.
கோயம்புத்தூர் மாவட்டத்திலுள்ள வால்பாறை வனச்சரகதிற்கு உட்பட்ட தேயிலை தோட்ட பகுதியில் உடல்நலம் பாதிக்கப்பட்டு நடக்க முடியாமல் படுத்து கிடந்த காட்டெருமையை வனத்துறையினர் பார்வையிட்டுள்ளனர். அதன்பிறகு கால்நடை மருத்துவர் மெய்யரசு உடல்நலம் பாதிக்கப்பட்ட காட்டெருமைக்கு சிகிச்சை அளித்துள்ளார். இதனையடுத்து அந்த காட்டெருமையை வனத்துறையினர் தீவிரமாக கண்காணித்து வந்துள்ளனர்.
ஆனால் காட்டெருமைக்கு அளிக்கப்பட்ட சிகிச்சை பலனின்றி அது பரிதாபமாக உயிரிழந்து விட்டது. இதனை அடுத்து மருத்துவ குழுவினர் காட்டெருமையின் உடலை பிரேத பரிசோதனை செய்து அங்கேயே அடக்கம் செய்து விட்டனர். இதுகுறித்து வனத்துறையினர் கூறும் போது நுரையீரல் தொற்று காரணமாக உடல் நலம் பாதிக்கப்பட்டு 6 வயதுடைய ஆண் காட்டெருமை சாப்பிட முடியாமல் உயிரிழந்து விட்டதாக தெரிவித்துள்ளனர்.