தமிழ் சினிமாவின் பிரம்மாண்ட இயக்குனர் என்று அழைக்கப்படும் சங்கர் தற்போது தமிழில் இந்தியன் 2 மற்றும் தெலுங்கில் ராம் சரணுடன் இணைந்து ஒரு படம் என பிசியாக இருக்கிறார். இயக்குனர் சங்கர் நேரடியாக இயக்கும் தெலுங்கு படத்தில், ராம்சரண், க்யாரா அத்வானி, அஞ்சலி உள்ளிட்ட பலர் நடிக்கின்றனர். இந்த படத்தின் ஷூட்டிங் தற்போது ஆந்திர மாநிலத்தில் உள்ள ராஜமுந்திரி என்ற பகுதியில் நடைபெற்று வருகிறது.
இந்நிலையில் ராம்சரண் நடிக்கும் படத்தின் சில காட்சிகள் நேற்று இணையத்தில் லீக் ஆகியுள்ளது. அந்த புகைப்படத்தில் அந்த கால இளைஞராக ராம் சரணும் அவருடைய மனைவியாக அஞ்சலியும் இருக்கின்றனர். மேலும் ராம் சரண் 2 கதாபாத்திரங்களில் நடிக்கும் படத்தில் பிளாஷ்பேக் காட்சிகளில் நடிகை அஞ்சலி அம்மா வேடத்தில் நடித்துள்ளார்.