பிரபல நடிகை ரம்யா கிருஷ்ணன் ஒரே நடிகருடன் மனைவி, மகள், தங்கை என மூன்று கதாபாத்திரங்களில் நடித்து அசத்தியுள்ளார்.
தமிழ் சினிமாவில் பிரபல நடிகையாக வலம் வரும் ரம்யா கிருஷ்ணன் தற்போது BB ஜோடிகள் எனும் நிகழ்ச்சியில் நடுவராக இருந்து வருகிறார். இதைத்தொடர்ந்து அவர் பிக் பாஸ் 5யிலும் போட்டியாளராக பங்கேற்கிறார் என்று பேசப்பட்டு வருகிறது. இந்நிலையில் பிரபல நடிகை ரம்யா கிருஷ்ணன் தனது பிறந்தநாளை நேற்று தோழிகளுடன் கொண்டாடியுள்ளார்.
அப்போது அவர் எடுத்த புகைப்படங்களை தனது இன்ஸ்டாகிராம் பக்கத்தில் பதிவு செய்துள்ளார். இதற்கிடையில் நடிகை ரம்யாகிருஷ்ணன் குறித்த செய்தி ஒன்று தற்போது சமூகவலைத்தள பக்கத்தில் பரவி வருகிறது.
அதன்படி தமிழ் சினிமாவின் பிரபல நடிகரான நாசருடன் ரம்யா கிருஷ்ணன் பாகுபலி படத்தில் மனைவியாகவும், வந்தா ராஜாவா தான் வருவேன் திரைப்படத்தில் மகளாகவும், படையப்பா திரைப்படத்தில் தங்கையாகவும் நடித்து அசத்தியுள்ளார் என்று கூறி ரசிகர்கள் அப்பட புகைப்படங்களை பதிவிட்டு அவருக்கு பிறந்தநாள் வாழ்த்துக்களை கூறியுள்ளனர்.