அமெரிக்காவில் குடியிருப்பிலிருந்து வெளியே வந்த பெண் முன்பு ஒரு பெரிய பாம்பு படமெடுத்து நின்ற வீடியோ வெளியாகி பதற்றத்தை ஏற்படுத்தியுள்ளது.
அமெரிக்காவின் டெக்சாஸ் மாகாணத்தில் வசிக்கும் சவுன்வா லிகாம்பெக்ட் என்ற பெண் அவரின் குடியிருப்பிலிருந்து வெளியில் வந்திருக்கிறார். அவர் சுவரின் அருகில் வந்த சமயத்தில் புதருக்குள் மறைந்திருந்த பெரிய பாம்பு திடீரென்று அவர் முன் வந்து படமெடுத்து நின்றுள்ளது. அதனை பார்த்தவுடன் அவர் அதிர்ந்துபோய் அங்கேயே நின்றுவிட்டார்.
அதன்பின்பு, பதறியடித்துக் கொண்டு வீட்டுக்குள் ஓடியுள்ளார். இந்த காட்சியானது, அங்கிருக்கும் கண்காணிப்பு கேமராவில் பதிவானது. தற்போது அந்த வீடியோ வெளியிடப்பட்டுள்ளது. இது தொடர்பில் சவுன்வா லிகாம்பெக்ட் தெரிவித்துள்ளதாவது, “திடீரென்று என் முன்னால் பாம்பு படமெடுத்து நின்றதைப் பார்த்த அந்த நேரத்தில், மரணத்தின் வாயிலை நெருங்கிவிட்டேன். என் காலின் அருகில் பாம்பு நின்று கொண்டிருந்தது” என்று கூறியிருக்கிறார்.