சாலையில் சென்று கொண்டிருந்த ஸ்கூட்டி மீது கார் மோதி பெண் ஒருவர் பலியான சம்பவம் சோகத்தை ஏற்படுத்தியுள்ளது.
காஞ்சிபுரம் மாவட்டத்தில் உள்ள பெரியார் பகுதியில் மரியாஜ் ஜெனிபர் என்பவர் வசித்து வந்துள்ளார். இவர் தனது சொந்த ஸ்கூட்டியில் சாலையில் கரசங்கள் கலனி அருகாமையில் சென்று கொண்டிருந்திருக்கிறார். அப்போது சாலையின் திருப்பத்தில் சென்று கொண்டிருக்கும் போது படப்பையில் இருந்து வந்து கொண்டிருந்த கார் மின்னல் வேகத்தில் ஸ்கூட்டி மீது மோதியுள்ளது.
இந்நிலையில் ஸ்கூட்டியில் இருந்து தூக்கி வீசப்பட்ட மரியாஜ் ஜெனிபர் சம்பவ இடத்திலேயே பரிதாபமாக உயிரிழந்துள்ளார். இது பற்றி அருகில் இருந்தவர்கள் காவல்துறையினருக்கு தகவல் தெரிவித்துள்ளனர். அதன்பின் தகவல் அறிந்த காவல்துறையினர் சம்பவ இடத்திற்கு சென்று அவரின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை நடத்தி வருகின்றனர்.