உலக தாய்ப்பால் விழிப்புணர்வு வார உறுதிமொழி நிகழ்ச்சி கலெக்டர் திவ்யதர்ஷினி தலைமையில் நடைபெற்றுள்ளது.
தர்மபுரி மாவட்டத்தில் உள்ள கலெக்டர் அலுவலகத்தில் வைத்து உலக தாய்ப்பாலின் விழிப்புணர்வு வாரத்தை முன்னிட்டு உறுதிமொழி ஏற்பு நிகழ்ச்சி நடைபெற்றுள்ளது. இந்த நிகழ்ச்சியில் கலெக்டர் திவ்யதர்ஷினி தலைமையில் அதிகாரிகள் உறுதிமொழி ஏற்றுக் கொண்டுள்ளனர். இதனை அடுத்து உலக தாய்ப்பால் விழிப்புணர்வு வாரம் அன்று தாய்ப்பாலின் முக்கியத்துவம் பற்றி சர்வதேச அளவில் பொதுமக்களுக்கு விழிப்புணர்வை ஏற்படுத்தும் விதமாக வருடந்தோறும் இதை கடைபிடித்து வருகின்றனர். அதன்பின் அரசு மருத்துவமனைகள் மற்றும் ஆரம்ப சுகாதார நிலையங்களில் பிரசவித்த தாய்மார்கள், கர்ப்பிணி பெண்களுக்கு இடையே தாய்ப்பாலின் அவசியம் பற்றி விழிப்புணர்வு ஏற்படுத்தப்படுகிறது.
பின்னர் தாய்ப்பால் குழந்தைகளுக்கு உணவாக மட்டுமின்றி மருந்தாகவும் பயன்பட்டு வருகிறது. இதனால் பிரசவித்த தாய்மார்கள் தங்கள் குழந்தைகளுக்கு குறைந்தபட்சமாக ஆறு மாதம் முதல் ஒரு வயது வரை தாய்ப்பால் கொடுக்க வேண்டும். இதன் மூலமாக குழந்தைகளின் உடல் வெப்பநிலையானது சீரான முறையில் பராமரிக்கப்படும். மேலும் இம்மாவட்டத்தில் குழந்தைகளுக்கு தாய்ப்பால் கொடுக்கும் தாய்மார்களின் சராசரியை கூடுதலாக இருக்கும் வண்ணம் விழிப்புணர்வை ஏற்படுத்தும் பணிகளை அங்கன்வாடி பணியாளர்கள் மேற்கொள்ள வேண்டும் என கலெக்டர் கூறியுள்ளார்.