துபாயில் ஒரு நிறுவனத்தில் 60,000 ரூபாய்க்கு ஐஸ்கிரீம் விற்கப்படுவது ஆச்சர்யத்தை ஏற்படுத்தியுள்ளது.
உலக மக்கள் அதிகமானோர் விரும்பி உண்ணக்கூடிய உணவாக ஐஸ்கிரீம் இருக்கிறது. எனவே உலகின் பல்வேறு இடங்களில், பல வகைகளில், பல நிறங்களில் அதிக ருசியுடன் தயாரிக்கப்படுகிறது. இந்நிலையில் துபாயில், “ஸ்கூப்பி கபே” என்ற நிறுவனம் சுமார் 60,000 ரூபாய்க்கு ஒரு ஐஸ்கிரீமை விற்கிறது.
இது என்ன? தங்கத்தின் விலை போன்று இவ்வளவு அதிகமாக உள்ளது என்று ஆச்சரியப்படலாம். ஆம், இந்த ஐஸ்கிரீமில் தங்க இழைகளை உபயோகித்திருக்கிறார்கள். இந்த ஐஸ்கிரீமின் பெயர் “பிளாக் டைமெண்ட்” இதில் 23 கேரட் தங்க இழைகள், பிளாக் ட்ரூபிள் மற்றும் சாப்ரான் போன்ற பொருட்கள் சேர்க்கப்படுகிறது.
மேலும், இந்த ஐஸ்கிரீமை வெர்சேஸ் வகை கிண்ணத்தில் வழங்குகிறார்கள். இதனை சாப்பிட குச்சி கொடுத்தால் சரி வருமா?. இது தான் தங்க ஐஸ்கிரீம் ஆச்சே!. எனவே ஐஸ்கிரீம் சாப்பிட வெள்ளி ஸ்பூன் கொடுக்கிறார்கள்!