“உலகின் சக்தி வாய்ந்த பெண்கள்”…. நிர்மலா சீதாராமனுக்கு கிடைத்த இடம்… அமெரிக்க பத்திரிக்கையில் செய்தி….!!!!!

அமெரிக்காவில் உள்ள போர்பஸ் பத்திரிக்கை நிறுவனம் உலக அளவில் சக்தி வாய்ந்த 100 பெண்கள் பட்டியலை வெளியிடும். இந்த பட்டியலானது செல்வம், செல்வாக்கு, ஊடகம் மற்றும் தாக்கம் ஆகிய 4 துறைகளில் இருந்து தயார் செய்யப்படுகிறது. இந்நிலையில் நடப்பாண்டில் உலகின் 100 சக்தி வாய்ந்த பெண்களுக்கான பட்டியல் வெளியிடப்பட்டுள்ள நிலையில், ஐரோப்பிய கமிஷன் தலைவர் ஊர்சுலா வாண்டர் லியன் முதலிடத்தை பிடித்துள்ளார். அதன் பிறகு 2-ம் இடத்தை ஐரோப்பிய மத்திய வங்கியின் தலைவர் கிறிஸ்டின் லக்ராட்டும், 3-வது அமெரிக்க துணை ஜனாதிபதி கமலா ஹாரிசும் பெற்றுள்ளனர்.

இதனையடுத்து உலகின் சக்தி வாய்ந்த பெண்கள் பட்டியலில் இந்தியாவைச் சேர்ந்த 6 பேர் இடம் பெற்றுள்ளனர். அதன்படி மத்திய நிதியமைச்சர் நிர்மலா சீதாராமன் 4-வது முறையாக 36-வது இடத்தை பிடித்துள்ளார். இதேபோன்று இந்தியாவில் சேர்ந்த எச்.சி.எல் தலைவர் ரோஷினி நாடார் மல்கோத்ரா 53-வது இடத்தையும், செபி தலைவர் மாதபி புரி பக் 54-வது இடத்தையும், இந்தியா ஸ்டீல் ஆணைய தலைவர் சோமா மண்டல் 67-வது இடத்தையும், பயோகான் நிறுவனத் தலைவர் கிரண் மஜும்தார் 72-வது இடத்தையும், நியாகா நிறுவனர் பால்குனி நாயர் 89-வது இடத்தையும் பிடித்துள்ளார்.