உலகளவில் கொரோனா வைரசால் பாதிப்பால் உயிரிழந்தோர் எண்ணிக்கை 17 ஆயிரத்தை தாண்டியது.
சீனாவில் தொடங்கிய கொரோனா வைரஸ் 195 நாடுகளுக்குப் பரவி, உலகையே அச்சுறுத்தி வருகிறது. இந்த கொடிய வைரசால் சீனாவில் நாளுக்குநாள் பலி எண்ணிக்கை அதிகரித்து கொண்டேவந்தது. ஆனால் கடந்த 4 நாட்களாக அங்கு கொரோனா வைரஸ் தாக்கம் சீனாவில் கட்டுக்குள் கொண்டு வரப்பட்டுள்ளது. ஆனால் தற்போது மற்ற நாடுகளில் இதன் அச்சுறுத்தல் அதிகமாக இருக்கிறது.
இந்த நிலையில் உலகளவில் கொரோனா வைரஸ் தொற்று நோயால் உயிரிழந்தோர் எண்ணிக்கை 17,138 ஆக அதிகரித்துள்ளது. 195 நாடுகளுக்கு பரவிய கொரோனாவால் பாதிக்கப்பட்டோர் எண்ணிக்கை 3,91,947 ஆக உயர்ந்துள்ளது. மேலும் கொரோனாவால் பாதிக்கப்பட்ட 1,02,843 பேர் குணமடைந்து வீடு திரும்பியுள்ளனர். இத்தாலி, ஈரான், ஸ்பெயின் ஆகிய நாடுகளில் நாளுக்குநாள் பலி எண்ணிக்கை ராக்கெட் வேகத்தில் உயர்கிறது. ஆனால் சீனாவில் கடந்த சில நாட்களாக உயிரிழப்பு 10க்கும் கீழ் இருப்பது குறிப்பிடத்தக்கது.