கேரளாவில் ஆதி திராவிடர் மற்றும் பழங்குடியின மக்களுக்கு அரசு பல சலுகைகளை அளித்தாலும், இன்னும் அவர்கள் அதனை முழுமையாக பயன்படுத்திக்கொள்ள முடிவதில்லை. இதனால் இதை மாற்றியமைத்து பழங்குடியின பெண்களும் கல்வியில் முன்னேறவும், வேலை வாய்ப்புகள் பெறவும் கேரள அரசு பல திட்டங்களை அறிமுகம் செய்து செயல்படுத்தி வருகிறது. அந்த வகையில் அரசின் திட்டங்கள் பழங்குடியின பெண்களை சென்றடைவதற்கு மேற்கொண்ட முயற்சியின் காரணமாக கண்ணூர் பகுதியை சேர்ந்த கோபிகா என்ற பழங்குடியின இளம்பெண் விமான பணிப் பெண் பயிற்சியில் சேர்ந்தார்.
இப்பயிற்சி பெற தனியார் மையங்களில் படித்தால் லட்சக் கணக்கில் செலவாகும் என்று கூறப்படுகிறது. எனினும் கோபிகா அரசின் உதவி தொகையை பெற்று இப்பயிற்சியில் சேர்ந்தார். அதன்படி பயிற்சி நிறைவு பெற்று அவர் அடுத்த மாதம் பணிக்கு போக இருக்கிறார். இவ்வாறு பழங்குடிஇன பெண்ணுக்கு விமான பணிப் பெண் வேலையில் சேர இருப்பது இதுவே முதல் முறையாகும். இது குறித்த தகவல் சமூக வலைதளங்களில் வைரலாக பரவி வருகிறது. அவற்றில் கோபிகா விமானம் பணிப்பெண் உடையுடன் உள்ள புகைப்படங்களும் பதிவிடப்பட்டுள்ளது. இதனை பார்த்த பலரும் பழங்குடி இன மக்களுக்கு பெருமை சேர்த்த கோபிகாவுக்கு பாராட்டு தெரிவித்து வருகிறார்கள்.