இயக்குனர் ஜேம்ஸ் கேமரூன் இயக்கத்தில் கடந்த 2009 ஆம் ஆண்டு உலகம் முழுவதும் ரிலீசான திரைப்படம் ”அவதார்”. இந்த திரைப்படம் நல்ல வரவேற்பை பெற்று வசூல் சாதனை நிகழ்த்தியது. இந்த படத்தில் இடம் பெற்ற கிராபிக்ஸ் காட்சிகளும் கற்பனை உலகமும் ரசிகர்களை வியக்க வைத்தது.
தற்போது இந்த படத்தின் இரண்டாம் பாகம் உருவாகியுள்ளது. ”அவதார் தி வே ஆப் வாட்டர்” என பெயர் வைக்கப்பட்டுள்ள இந்த திரைப்படம் தமிழ், தெலுங்கு, இந்தி, மலையாளம், கன்னடம் போன்ற 170 மொழிகளில் ரிலீசாக உள்ளது.
இந்த திரைப்படம் வரும் டிசம்பர் 16ஆம் தேதி வெளியாகவுள்ளது. இந்நிலையில், இந்த திரைப்படம் ரிலீசுக்கு முன்பே வசூல் சாதனை படைத்து வருகிறது. அதன்படி, வட அமெரிக்காவில் மட்டும் இந்த திரைப்படம் 38 மில்லியன் யுஎஸ் டாலர் முன்பதிவு மூலம் வசூலித்துள்ளதாக தகவல் வெளியாகியுள்ளது. அதன்படி இந்திய மதிப்பில் 313 கோடி. இந்தியாவில் முதல் மூன்று நாளில்4 லட்சத்திற்கும் அதிகமான முன்பதிவு டிக்கெட்கள் செய்யப்பட்டுள்ளது.