தமிழ் சினிமாவில் பிரபல இயக்குனராக வலம் வருபவர் பிரதீப் ரங்கநாதன். இவர் கோமாளி படத்தை இயக்கியதன் மூலம் தமிழ் சினிமாவில் அறிமுகமானார். இந்த திரைப்படம் ரசிகர்கள் மத்தியில் நல்ல வரவேற்பை பெற்று வசூல் சாதனை படைத்தது. இதனயடுத்து இவர் இயக்கி நடித்து இரண்டாவது திரைப்படமாக சமீபத்தில் வெளியான திரைப்படம் ”லவ் டுடே”.
இந்த திரைப்படமும் ரசிகர்கள் மத்தியில் நல்ல வரவேற்பு பெற்று வருகிறது. இந்த படத்தில் சத்யராஜ், ராதிகா, இவானா, யோகி பாபு மற்றும் பலர் நடித்துள்ளனர். இந்நிலையில், இவர் இயக்கும் புதிய படம் குறித்த அப்டேட் வெளியாகியுள்ளது.
அதன்படி, நடிகர் விஜய்யின் வாரிசு படத்தின் தயாரிப்பாளர் தில் ராஜு இயக்குனர் பிரதிப் ரங்கநாதனிடம் புதிய படத்திற்கு பேச்சுவார்த்தை நடத்தி வருவதாக தகவல் வெளியாகியுள்ளது. இவர் இயக்கும் அடுத்த படத்தை தில்ராஜு தயாரிக்க இருப்பதாகவும் கூறப்படுகிறது.