தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருபவர் நடிகர் சிம்பு. இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. சமீபத்தில் இவர் நடிப்பில் வெளியான மாநாடு, வெந்து தணிந்தது காடு போன்ற திரைப்படங்கள் ஹிட் அடித்தது.
இதனையடுத்து, தற்போது இவர் பத்து தல, கொரோனா குமார் போன்ற திரைப்படங்களில் கமிட்டாகி நடித்து வருகிறார். இந்நிலையில், இவர் பிரபல இயக்குனர் இயக்கத்தில் புதிய படத்தில் நடிக்க இருப்பதாக தகவல் வெளியாகியுள்ளது.
அதன்படி, இயக்குனர் ஏ. ஆர். முருகதாஸ் இயக்கத்தில் இவர் புதிய படத்தில் நடிக்க இருப்பதாக அப்டேட் வெளியாகியுள்ளது. இயக்குனர் ஏ. ஆர். முருகதாஸ் இயக்கத்தில் கடைசியாக ரிலீசான திரைப்படம் தர்பார். தற்போது சிம்புவிடம் இவர் கதை சொல்லி இருப்பதாகவும் சிம்பு இந்த படத்திற்கு நடிக்க ஒப்புக் கொண்டதாகவும் கூறப்படுகிறது.