சர்வதேச ஆராய்ச்சி அமைப்பான கிஷியாத் வைரஸ் தொற்றின் உருமாற்றங்களை ஆய்வு செய்து வருகிறது. இந்த அமைப்பு தற்போது XBB வைரஸ் தொற்றின் மாறுபாடு குறித்து ஒரு அறிக்கை வெளியிட்டுள்ளது. அந்த அறிக்கையின்படி இந்தியாவில் உள்ள 9 மாநிலங்களில் ஒரு உருமாறிய வைரஸ் தொற்று கண்டறியப்பட்டுள்ளதாக தெரிவிக்கப்பட்டுள்ளது. அதன்படி தமிழகம், ராஜஸ்தான், கர்நாடகா, டெல்லி, மகாராஷ்டிரா, ஒடிசா, புதுச்சேரி, மேற்கு வங்காளம் போன்ற 9 மாநிலங்களில் உருமாறிய வைரஸ் தொற்று கண்டறியப்பட்டுள்ளது.
இந்த தொற்றின் தாக்கத்தினால் நாடு முழுதும் 380 பேர் பாதிக்கப்பட்டுள்ள நிலையில், தமிழகத்தில் 175 பேர் பாதிக்கப்பட்டுள்ளதாக குறிப்பிடப்பட்டுள்ளது. ஆனால் தமிழக சுகாதாரத்துறை உருமாறிய வைரஸ் தொற்று எதுவும் கண்டறியப்படவில்லை என கூறியுள்ளது. மேலும் உருமாறிய கொரோனா வைரஸ் தொற்று குறித்து தொடர்ந்து கண்காணித்து வருவதாகவும் தெரிவிக்கப்பட்டுள்ளது.