மக்களவை விவாத கூட்டத்தில் கடந்த 2 நாட்களுக்கு முன்பு திரிணாமுல் காங்கிரஸ் உறுப்பினர் மொய்த்ரா பேசியதாவது, இந்தியாவில் ஆளும் பா.ஜ.க அரசு தான் “பப்பு” என்ற வார்த்தையை உருவாக்கியது. இப்போது யார் உண்மையான பப்பு என தெரியவந்துள்ளது. இதற்கு முன்னதாக பா.ஜ.க அரசு காங்கிரஸ் கட்சி எம்பி ராகுல் காந்தியை பப்பு என விமர்சித்திருந்தது குறிப்பிடத்தக்கது. அதன்பின் இந்த சொல் மக்களவையில் பல்வேறு கட்சியினரால் உபயோகிக்கப்பட்டது.
இந்நிலையில் நிர்மலா சீதாராமன் குஜராத் மற்றும் மேற்குவங்கத்தில் தேர்தலுக்கு பிந்தைய சூழல் தொடர்பாக பேசியதாவது, “அண்மையில் நடந்துமுடிந்த சட்டமன்ற தேர்தலில் பா.ஜ.க வெற்றி பெற்றதை அடுத்து மேற்கு மாநிலம் அமைதியாக இருந்தது. எனினும் கிழக்குப் பகுதியில் பா.ஜ.க கட்சித் தொண்டர்கள் வீடுகளில் கொள்ளை, பலாத்காரம் மற்றும் தீவைப்பு ஆகிய குற்றச்சம்பவங்கள் நடந்தது. இதற்கிடையில் திரிணாமுல் காங்கிரஸ் எம்பி மஹுவா மொய்த்ரா பப்பு எங்கே இருக்கிறார் என்று கேள்வி எழுப்பி உள்ளார். அதற்கு நிர்மலா சீதாராமன் கூறியதாவது, அவரது வீட்டின் பின்புறத்தில் பார்த்தால் பப்புவை காணலாம் எனத் தெரிவித்து இருக்கிறார்.