தமிழகத்தில் திரையரங்குகள் 10-ம் தேதி முதல் திறக்க அனுமதி வழங்கப்பட்டுள்ளதால் ரசிகர்கள் உற்சாக மிகுதியில் இருந்து வருகின்றனர்.
கொரோனா காரணமாக தமிழகத்தில் மார்ச் மாதம் முதல் ஊரடங்கு அமல்படுத்தப்பட்டது. அதில் திரையரங்குகள் அனைத்தும் மூடிவிட்ட நிலையில் பல்வேறு தளர்வுகள் அறிவிக்கப்பட்டு வந்துள்ளது. அந்த தளர்வுகளில் தமிழகத்தில் திரையரங்குகள் திரும்பவும் திறக்க அனுமதி வழங்கப்படவில்லை. இதனால் தமிழக திரையரங்க உரிமையாளர்கள் சங்கம் திரையரங்குகளை திறக்க அனுமதி வழங்கவேண்டும் என முதல்வர் எடப்பாடி பழனிசாமிடம் கோரிக்கை விடுத்தனர்.
இந்நிலையில் தமிழகத்தில் ஊரடங்கு நேற்றோடு நிறைவடைகிறது. அமலில் உள்ள தளர்வுகளுடன் கூடிய ஊரடங்கு நம்பவர் 30-வரை நீட்டித்து தமிழக அரசு உத்தரவிட்டுள்ளது. இதில் தமிழகத்தில் திரையரங்குகளை திறக்க தமிழக அரசு அனுமதி வழங்கியுள்ளது. நவம்பர் 10-ம் தேதி முதல் தியேட்டர்கள் செயல்பட அனுமதி வழங்கப்பட்டது. தியேட்டர்கள் 50% இருக்கைகளுடன் மட்டும் இருக்க அனுமதி வழங்கப்பட்டுள்ளது. கொரோனா தடுப்பு வழிகாட்டு நெறிமுறைகளை கட்டாயம் கடைபிடிக்க வேண்டும் எனவும் தெரிவிக்கப்பட்டுள்ளது. இதனால் ரசிகர்கள் பெரும் மகிழ்ச்சியில் இருந்து வருகின்றனர்.