எரிசாராயம் கடத்திய வாலிபரை காவல்துறையினர் கைது செய்துள்ளனர்.
கள்ளக்குறிச்சி மாவட்டத்தில் உள்ள ஒட்டம்பட்டு கிராமத்தில் காவல்துறையினர் தீவிர ரோந்து பணியில் ஈடுபட்டுள்ளனர். அப்போது அவ்வழியாக இருசக்கர வாகனத்தில் வந்த வாலிபரை நிறுத்தி விசாரணை செய்துள்ளனர்.
அதில் அவர் அதே பகுதியில் வசிக்கும் விஜயகுமார் என்பதும், 15 லிட்டர் எரிசாராயத்தை கடத்தி வந்ததும் காவல்துறையினருக்கு தெரியவந்துள்ளது. மேலும் இது குறித்து வழக்குபதிவு செய்த காவல்துறையினர் விஜயகுமாரை கைது செய்து அவரிடம் இருந்த இருசக்கர வாகனம் மற்றும் சாராயம் ஆகியவற்றை பறிமுதல் செய்துள்ளனர்.