யோகி பாபுவின் கங்காதேவி படத்தின் ஃபர்ஸ்ட் லுக் போஸ்டர் இணையத்தில் வெளியாகியுள்ளது.
பிரபல காமெடி நடிகர் யோகி பாபு நடிப்பில் வெளியான ‘சண்டிமுனி’ எனும் பேய் படத்தை இயக்கியதன் மூலம் ரசிகர்களின் கவனத்தை ஈர்த்த இயக்குனர் மில்கா செல்வகுமார். இவர் அடுத்ததாக தான் இயக்கும் புதிய படத்திற்கு ‘கங்காதேவி’ என பெயரிட்டுள்ளார்.இந்த திரைப்படத்திலும் யோகி பாபு முக்கிய கதாபாத்திரத்தில் நடிக்க இருக்கிறார்.
மேலும் இந்த படத்தில் சூப்பர் சுப்புராயன் வில்லனாகவும், ஆர்த்தி கணேஷ், சாம்ஸ் உள்ளிட்ட பலர் முக்கிய கதாபாத்திரத்திலும் நடிக்க இருக்கின்றனர். இந்நிலையில் நேற்று இப்படத்தின் பர்ஸ்ட் லுக் போஸ்டர் இணையத்தில் வெளியாகியுள்ளது. யோகி பாபு இருக்கும் இந்த போஸ்டர் சமூக வலைதளங்களில் வைரலாகி வருகிறது.
