சுரஜ்பூர் மாவட்டத்தில் மாவட்ட ஆட்சியர் இளைஞரை அறைந்து செல்போனை உடைத்த வீடியோ சமூகவலைத்தளத்தில் வைரலான நிலையில் அந்த இளைஞருக்கு புது போன் வாங்கித் தருமாறு முதல்வர் உத்தரவிட்டுள்ளார்.
சுரஜ்பூர் மாவட்டத்தில் இரண்டு தினங்களுக்கு முன்பு ஊரடங்கை மீறி வாகனத்தில் சென்றதாக இளைஞர் ஒருவரை பிடித்த மாவட்ட ஆட்சியர் ரன்பீர் ஷர்மா அந்த இளைஞரை கன்னத்தில் அறைந்தது மட்டுமல்லாமல் அவரது செல்போனை வாங்கி உடைத்துள்ளார். அது மட்டுமில்லாமல் அந்த இளைஞர் மருந்து வாங்க தான் வந்ததாக தெரிவித்த பின்னரும் காவல்துறையினர் அவரை லத்தியால் அடித்தனர்.
मुख्यमंत्री @bhupeshbaghel जी ने निर्देश दिए हैं कि सूरजपुर में कलेक्टर द्वारा नवयुवक के साथ दुर्व्यवहार के दौरान नवयुवक के क्षतिग्रस्त मोबाइल की प्रतिपूर्ति के रूप में उस नवयुवक को नया मोबाइल फोन उपलब्ध कराया जाए।
— CMO Chhattisgarh (@ChhattisgarhCMO) May 23, 2021
இந்த வீடியோ சமூக வலைதளங்களில் வைரலானது. இதையடுத்து மாவட்ட ஆட்சியர் ரன்பீர் ஷர்மா மன்னிப்பு கோரினார். பின்னர் முதல்வர் மாவட்ட ஆட்சியரை பணி இடமாற்றம் செய்து உத்தரவிட்டார். தற்போது முதல்வர் மாவட்ட ஆட்சியர் ரன்பீர் சர்மாவிடம் அந்த இளைஞருக்கு புது மொபைல் போனை வாங்கி தருமாறு உத்தரவிட்டுள்ளார்.