தொழிலாளியை தாக்கிய 4 பேரை காவல்துறையினர் கைது செய்துள்ளனர்.
விருதுநகர் மாவட்டத்தில் உள்ள திருமேனி நகரில் ராஜதுரை என்பவர் வசித்து வருகிறார். இவருக்கு நேசம்மலர் என்ற மனைவி உள்ளார். இந்த தம்பதிகளுக்கு ஒரு மகனும் ஒரு மகளும் இருக்கின்றனர். இந்நிலையில் ராஜதுரை வேலை முடித்து விட்டு வீட்டிற்கு சென்று கொண்டிருந்தார். அப்போது அந்த வழியாக வந்தான் லிங்கபுரம் நகரில் வசிக்கும் மாரிச்செல்வம், மணிகண்டன் உட்பட 4 பேர் கொண்ட கும்பல் ராஜதுரையை கிரிக்கெட் மட்டையால் சரமாரியாக தாக்கியுள்ளனர்.
இதில் ராஜதுரை பலத்த காயமடைந்து நிலை தடுமாறி கீழே விழுந்துள்ளார். இதனை பார்த்ததும் அருகில் உள்ளவர்கள் ராஜதுரையை மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். இதுகுறித்து வழக்குப் பதிவு செய்த காவல்துறையினர் 4 பேரை கைது செய்து தீவிர விசாரணை மேற்கொண்டு வருகின்றனர்.