அடையாளம் தெரியாத வாகனம் மோதிய விபத்தில் சாலையில் நடந்து சென்று கொண்டிருந்த வாலிபர் உயிரிழந்த சம்பவம் சோகத்தை ஏற்படுத்தியுள்ளது.
திருச்சி மாவட்டத்தில் உள்ள துவரங்குறிச்சி பகுதியில் ஹரிஹரன் என்பவர் வசித்து வந்துள்ளார். இந்நிலையில் ஹரிஹரன் திருச்சி-மதுரை தேசிய நெடுஞ்சாலையில் நடந்து சென்று கொண்டிருந்த போது அவ்வழியாக வேகமாக சென்ற அடையாளம் தெரியாத வாகனம் இவர் மீது பலமாக மோதி விட்டது.
இந்த விபத்தில் படுகாயமடைந்த ஹரிஹரனை அருகில் உள்ளவர்கள் மீட்டு அரசு மருத்துவமனையில் சிகிச்சைக்காக அனுமதித்துள்ளனர். ஆனால் அங்கு அளிக்கப்பட்ட சிகிச்சை பலனின்றி ஹரிஹரன் பரிதாபமாக உயிரிழந்து விட்டார். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.