அடையாளம் தெரியாத வாகனம் மோதிய விபத்தில் வாலிபர் உயிரிழந்த சம்பவம் சோகத்தை ஏற்படுத்தியுள்ளது.
கிருஷ்ணகிரி மாவட்டத்தில் உள்ள சூளகிரி பகுதியில் விக்னேஷ் என்பவர் வசித்து வந்துள்ளார் இவர் ஓசூர்-கிருஷ்ணகிரி தேசிய நெடுஞ் சாலையில் நடந்து சென்று கொண்டிருந்தார். இந்நிலையில் குருபரப்பள்ளி பேருந்து நிறுத்தம் அருகில் சென்று கொண்டிருந்த போது அவ்வழியாக வேகமாக வந்த வாகனம் விக்னேஷின் மீது பலமாக மோதியது.
இந்த விபத்தில் படுகாயமடைந்த விக்னேஷை அருகில் உள்ளவர்கள் மீட்டு மருத்துவமனைக்கு சிகிச்சைக்காக கொண்டு சென்றுள்ளனர். ஆனால் மருத்துவமனை போகும் வழியிலேயே விக்னேஷ் பரிதாபமாக உயிரிழந்துவிட்டார். இதுகுறித்த புகாரின் பேரில் வழக்குப்பதிவு செய்த சூளகிரி காவல்துறையினர் தீவிர விசாரணை மேற்கொண்டு வருகின்றனர்.