ஸ்கூட்டர் மீது கார் மோதிய விபத்தில் வாலிபர் பலியான சம்பவம் சோகத்தை ஏற்படுத்தியுள்ளது.
கடலூர் மாவட்டத்திலுள்ள பெண்ணாடம் பகுதியில் சையது முகமது என்பவர் வசித்து வந்துள்ளார். இவர் பெரம்பலூர் மாவட்டத்திலுள்ள தேவையூரில் இருக்கும் தனது பாட்டி வீட்டிற்கு சென்றுள்ளார். இந்நிலையில் சையது முகமது ஸ்கூட்டரில் தேசிய நெடுஞ்சாலையை கடக்க முயற்சி செய்த போது சென்னை நோக்கி வேகமாக சென்ற கார் இவர் மீது பலமாக மோதி விட்டது.
இந்த விபத்தில் படுகாயமடைந்த சையது முகமதை அருகில் உள்ளவர்கள் மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். ஆனால் மருத்துவமனைக்கு போகும் வழியிலேயே சையது முகமது பரிதாபமாக உயிரிழந்து விட்டார். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.