கையில் இருந்த அடையாளம்… வாலிபருக்கு நடந்த விபரீதம்… காவல்துறையினரின் தீவிர விசாரணை…!!

ரயிலில் அடிபட்டு வாலிபர் உயிரிழந்த சம்பவம் சோகத்தை ஏற்படுத்தியுள்ளது.

செங்கல்பட்டு மாவட்டத்தில் உள்ள பொத்தேரி தண்டவாளத்தை 35 வயது மதிக்கத்தக்க வாலிபர் ஒருவர் கடக்க முயற்சி செய்துள்ளார். இந்நிலையில் சென்னை நோக்கி வேகமாக சென்ற ரயில் இந்த வாலிபர் மீது மோதி விட்டது. இதனால் அந்த வாலிபர் சம்பவ இடத்திலேயே பரிதாபமாக உயிரிழந்து விட்டார்.

இதுகுறித்து தகவல் அறிந்த ரயில்வே காவல்துறையினர் சம்பவ இடத்திற்கு விரைந்து சென்று ரயிலில் அடிபட்ட நபரை பார்வையிட்ட போது அவரது கையில் சிவகாமி என பச்சை குத்தப்பட்டுள்ளது. அதன் பின் அவரது உடலை மீட்டு காவல்துறையினர் பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்குப்பதிவு செய்த காவல்துறையினர் இறந்த வாலிபரின் விவரம் குறித்து தீவிர விசாரணை மேற்கொண்டு வருகின்றனர்.