நள்ளிரவு நேரத்தில் மர்ம கும்பல் வாலிபரை சுட்டுக் கொலை செய்த சம்பவம் பரபரப்பை ஏற்படுத்தியுள்ளது.
கிருஷ்ணகிரி மாவட்டத்தில் உள்ள பெல்லூர் கிராமத்தில் லோகேஷ் என்ற வாலிபர் வசித்து வந்துள்ளார். இந்நிலையில் நள்ளிரவு நேரத்தில் மர்ம நபர்கள் லோகேஷின் வீட்டிற்கு சென்றுள்ளனர். இதனையடுத்து அவர்கள் வீட்டின் கதவை தட்டியதால் லோகேஷ் யார் என பார்ப்பதற்காக கதவை திறந்து வெளியே சென்றுள்ளார். அப்போது அந்த மர்ம கும்பலை சேர்ந்தவர்கள் தாங்கள் வைத்திருந்த துப்பாக்கியால் லோகேஷை நோக்கி சரமாரியாக சுட்டனர்.
இதனால் சம்பவ இடத்திலேயே லோகேஷ் பரிதாபமாக துடிதுடித்து உயிரிழந்தார். இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று அவரின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் லோகேஷை கொலை செய்த மர்ம நபர்களின் விவரம் குறித்து தீவிர விசாரணை மேற்கொண்டு வருகின்றனர்.