லண்டனில் இரவு நேரத்தில் இளம்பெண்ணின் துஷ்பிரயோகம் செய்த இளைஞர் குற்றவாளி என நிரூபணம் செய்யப்பட்டுள்ளது.
லண்டனில் catford Bridge ரயில் நிலையம் அருகே இருக்கின்ற மரங்கள் அடர்ந்த பகுதியில் இந்த சம்பவம் நடந்துள்ளது. கடந்த ஆண்டு ஆகஸ்ட் மாதம் 27ம் தேதி நள்ளிரவு 11.30 மணிக்கு இந்த சம்பவம் நடந்திருக்கிறது. டாக்சியில் பயணம் செய்த 29 வயது இளம் பெண் ஒருவர் தவறுதலாக அந்த பகுதியில் இறங்கியுள்ளார். அச்சமயத்தில் அந்தப் பெண்ணை பின்தொடர்ந்து வந்த Danut Bulboana (21) என்ற நபர் அவரை துஷ்பிரயோகம் செய்து இருக்கிறார்.
அப்போது அந்தப்பெண் சத்தம்போட்டு கத்த முயற்சி செய்தபோது அவர் வாய்க்குள் கட்டாயப்படுத்தி ஏதோ ஒரு பொருளை வைத்து அடைத்துள்ளார். அதனால் அந்தப் பெண் மூச்சு திணறி உள்ளார்.பின்னர் அந்த நபர் அந்த பெண்ணை அழைத்துக் கொண்டு ரயில் நிலையம் அருகே சென்றபோது அந்த பெண் உடனடியாக காவல் துறையினருக்கு அலைபேசி மூலமாக தொடர்பு கொண்டுள்ளார்.
அதன்பிறகு சம்பவ இடத்திற்கு காவல்துறையினர் வருவதற்கு முன்னரே அந்த நபர் தப்பிச் சென்றுவிட்டார். இதனைத்தொடர்ந்து பாதிக்கப்பட்ட பெண்ணிடம் காவல்துறையினர் விசாரணை மேற்கொண்டு Bulboana பற்றிய அடையாளங்களை கேட்டறிந்தனர். ஆனால் தன்னுடைய அடையாளங்களையும் மறைக்கும் விதமாக உடைகள் மற்றும் தோற்றத்தை மாற்றிய நிலையில் அந்த நபர் இருந்திருக்கிறார்.
இருந்த போதிலும் காவல்துறையினர் அவரை கைது செய்துள்ளனர்.அதனைத் தொடர்ந்து அவர் மீதான வழக்கு நீதிமன்றத்தில் நடந்து கொண்டிருந்த நிலையில் தற்போது அவர் குற்றவாளி என்று நீதிமன்றம் தீர்ப்பளித்துள்ளது.மேலும் அவரின் தண்டனை விபரங்கள் பற்றி செப்டம்பர் எட்டாம் தேதி அறிவிக்கப்படும்.